Қарағанды облысы дене шынықтыру және спорт басқармасының «Жоғарғы спорт шеберлігі мектебі» КММ

   Жоғарғы спорт шеберлігі мектебінің жұмысы туралы

АҚПАРАТ

Мектепте спорттың 20 түрі бар: бокс, еркін күрес, грек-рим күресі, биатлон, велоспорт, волейбол, академиялық есу, байдарка мен каноэде есу, әйелдер боксы, әйелдер күресі, дзюдо, коньки тебу, жеңіл атлетика, жүзу, синхронды жүзу, спорттық құзға өрмелеу, таеквондо (WTF), ауыр атлетика, семсерлесу, батут гимнастикасы.

Мектеп 1947 жылдан бастап жұмыс жасайды. Алғашқыда спорт түрлері бойынша облыс құрама командасына команда мүшелерін даярлау үшін қалалық жастар мектебі ретінде ашылды.

Спорт ведомстволарының қайта құрылуына байланысты Қарағанды облыстық спорт комитетінің жанынан қалалық мектеп базасында Облыстық жоғары спорт шеберлігі мектебі құрылды.

1969 жылы Қарағанды облыстық атқару комитетінің 11.11.69 ж. №772/17 шешімімен жоғары сыныпты спортшыларды, облыс, республика және КСРО құрама командаларының мүшелерін даярлау үшін облыстық жастар мектебі облыстық жоғарғы спорт шеберлігі мектебі болып қайта құрылды.

Мектеп жоғары білікті спортшыларды, оның ішінде халықаралық деңгейдегі спорт түрлерінен Қазақстан Республикасының Ұлттық құрама командаларына қабылдануға үміткерлерді даярлайды.

Мектептің негізгі міндеті - спорттық жетілдіру және жоғарғы спорттық шеберлік топтарының дайындық деңгейіне сәйкес келетін перспективалы спортшылардың оңтайлы санын тарту арқылы қосымша білім беру бағдарламаларын іске асыру, оқушылардың бас халықаралық және республикалық жарыстарда табысты өнер көрсетуі.

Мектептің қызметі әртүрлі формадағы жоғары сапалы оқу-жаттығу процесі жағдайында мамандандырылған дайындыққа бағытталған. ЖСШМ резерв келетін БЖСМ және ОРБЖСМ-мен белсенді ынтымақтастықта.

Мектеп жұмыс істеген жылдары дайындады:

• 6 Олимпиада чемпионы
• 52 әлем чемпионы
• 155 Азия чемпионы
• 8 Азия ойындарының чемпионы
• 20 КСРО және Қазақстан Республикасының еңбек сіңірген спорт шебері
• 151 КСРО және Қазақстан Республикасының халықаралық дәрежедегі спорт шеберін
• 490 КСРО және Қазақстан Республикасының спорт шеберін дайындады.

Мектеп жұмыс атқарған кезеңде 95 спортшы 20 Олимпиада ойындарына қатысты. Олар 11 түрлі медаль жеңіп алды: 5 алтын, 3 күміс, 3 қола медаль.

1972 жылдан бастап мектептің спортшылары алғаш рет XIX Олимпиада ойындарының делегаты болып, онда Қарағанды облысының жүзушісі В.Абоимов бірінші олимпиада медалін жеңіп алды.

Алтын медаль: Юрий Зайцев – ауыр атлетика (1976 ж.), Виктор Мазин – ауыр атлетика (1980 ж.), Владимир Муравьев – жеңіл атлетика (1980, 1988 ж.), Виталий Савин – жеңіл атлетика (1988 ж.), Серік Сәпиев – бокс (2012 ж.) 

Күміс медаль: Виктор Абоимов – жүзу (1972 ж.), Татьяна Меньшова – волейбол (1992 ж.), Геннадий Головкин – бокс (2004 ж.) 

Қола медаль: Дмитрий Карпов – жеңіл атлетика (2004 ж.), Серік Елеуов – бокс (2004 ж.), Эльмира Сыздыкова – әйелдер күресі (2016 ж.) 

Әлем чемпионаттарында 1983 жылдан бастап бүгінгі күнге дейін мектептің 588 оқушысы қатысып, 137 медаль жеңіп алды, оның ішінде 51 алтын, 26 күміс, 60 қола медаль бар.

Біздің Әлем чемпиондарымыз:

Мусан Абдул-Муслимов – еркін күрес (1973г.), Юрий Зайцев – ауыр атлетика (1976ж,. 1978ж.), Серик Алшынбаев – еркін күрес (1982ж.), Амангельды Жаппаров – еркін күрес (1983ж.), Канат Байшулаков – самбо (1984ж.), Игорь Ростороцкий - грек-рим күресі (1985ж,.1987ж.), Игорь Ружников – бокс (1989ж.), Серик Елеуов – бокс (1999ж.),  Геннадий Головкин – бокс (2000ж., 2003ж.), Максим Раков – дзюдо (2009ж.), Екатерина Айдова – конькимен жүгіру спорты (2010ж.), Аблайхан Жусупов – бокс (2014ж)., Беимбет Канжанов – самбо (2015ж), Караман Абдулкарим – пауэрлифтинг (2019ж.), Фу Максим - таеквондо (ITF) (2019ж.), Галымов Айдос - қазақ күресі (2019ж.), Аккалыков Сабиржан - бокс (2021ж.), Болатова Наргиз – әртістік жүзу (2024ж.), Антропов Артем - ауыр атлетика (2024ж.).

Азия аймағына кіре отыра, Қазақстан тәуелсіз мемлекет ретінде 1993 жылдан бастап континентальды жарыстарға, Азия ойындары мен Азия чемпионаттарына қатысты. 

Мектеп оқушылары ҚР құрамасында Азия чемпионаттарының финалдық кезеңдерінде 287 медаль жеңіп алды, оның ішінде 155 алтын, 81 күміс, 119 қола медаль бар. 

1994-2018 жылдар аралығында Азия ойындарына мектептен 158 спортшыны жіберілді. Олар 8 алтын, 17 күміс, 29 қола медаль жеңіп алды.

Қаржылық қызмет:

Мемлекеттік сатып алулар:           

2018 жылға арналған мемлекеттік сатып алу жоспары (xls файл - 259 kb)

2019 жылға арналған мемлекеттік сатып алу жоспары  (xls файл - 201 kb)

2020 жылға арналған мемлекеттік сатып алу жоспары (xls файл - 172 kb)

Шарттар тізімі:

2018-2020 жылдар аралығындағы шарттар тізімі (zip файл - 63.3 kb)