Қарағанды облысы дене шынықтыру және спорт басқармасының "Жалын" облыстық мамандандырылған спорт мектебі" коммуналдық мемлекеттік қазыналы кәсіпорыны

«Жалын» облыстық мамандандырылған спорт мектебінің тарихы

Қазақстан бойынша алғаш рет 2002 жылдың 26 қарашасында Қарағанды облысы Әкімінің шешімімен, балалар мен жасөспірімдердің жүйелі түрде спортпен шұғылдануы және салауатты өмір салтын ұстану мақсатында, «Жалын» спорттық туризмнен облыстық мамандырылған балалар мен жасөспірімдерге арналған спорт мектебі ашылды. Мектепте спортық құзға өрмелеу және спорттық туризм спорт түрлері насихаттала бастады, 2003 жылы семсерлесу бөлімшесі өз жұмысын бастаса, 2019 жылдың қыркүйек айынан бастап спорттық бағдарлаудан оқу топтары ашылды.

Жылдар бойы мектептің тәрбиеленушілері әртүрлі рангтағы жарыстарда бақ сынап  (қалалық,облыстық,республикалық, халықаралық) жеңімпаздар мен жүлдегерлер атанды.

Спорттық құзға өрмелеушілер және семсерлесушілер Азия Чемпионаттарының, Әлем Чемпионаттарының бірнеше мәрте жеңімпаздары мен жүлдегерлері  атанды - Молчанов Алексей, Юрин Андрей, Мырзабеков Әлімжан, Гулик Анастасия, Саркисян Артем, Капыджи Жасмин, Тлеуленов Алан және т.б.

2015 жылы Молчанов Алексей Азиялық жағажай ойындарының Чемпионы атанды.

Осы жылдардың нәтижелері:

• ҚР ХҚСШ – 6 (құзға өрмелеуден - 5, семсерлесуден - 1)
• ҚР СШ – 37 (24 - семсерлесуден, 13 - құзға өрмелеуден)

2018 жылы алғашқы рет «Қарағанды - Арена» мұз сарайының спорт залында аумағы 600 шаршы метрді құрайтын жұмыс алаңы бар биіктігі 15,5 м модульдік скалодром орнатылды.

2019 жылы ең мықты деген спорттық құзға өрмелеуші спортшылар «Олимпиада резервін даярлау орталығының» ауыспалы құрамына қабылданды.

2022 жылдың 01 қаңтары бойынша мектеп оқушылары саны  - 651 оқушыны құрайды.

     Төрт бөлімше жұмыс істейді;

• семсерлесу - 95
• спорттық құзға өрмелеу - 294
• спорттық туризм - 176,
• спорттық бағдарлау - 86

Спорт мектебінде 24 жаттықтырушы-оқытушы жұмыс жасайды, оның ішінде 13 штаттық жаттықтырушы-оқытушы, жоғары санатты - 4 жаттықтырушы-оқытушы, екінші санатты – 7 жаттықтырушы-оқытушы, «ҚР  Халықаралық класының спорт Шебері» атағы бар - 4 жаттықтырушы-оқытушы, «ҚР Спорт шебері» атағы бар -2 жаттықтырушы-оқытушы.