Шаңғы жарысы шақырады!
Құрметті Қарағанды облысының тұрғындары, салауатты өмір салтын ұстанушы спорт сүйек қауым! 13 ақпанда біздің облыстың қалалары мен аудандарында «Белоснежная троечка» үш шақырымдық шаңғы жарысы өтеді, оған кез келген ниет білдіруші қатыса алады! Жарыстар онлайн режимінде өткізіледі, киіну үлігісі-еркін, сағат 11.00-де басталады.
Алдымен wintersport_kz@mail.ru-ға өз деректеріңізді (аты-жөні, тұрғылықты мекен-жайы, туған күні, ұялы телефон нөмірі) «Белоснежная троечка» жазбасын көрсете отырып, жарыстарға қатысуға өтінім жіберу керек. Өтінімдер 10 ақпан сағат 9.00-ден 13 ақпан сағат 00-ге дейін қабылданады. Содан кейін үш шақырым қашықтықты шаңғымен жүгіріп өтіп, өз нәтижесін «STRAVA» мобильді қосымшасында көрсетуі қажет. Айта кетейік, синоптиктер 13 ақпанда қолайлы ауа-райы болатынын болжауда.
Шаңғымен жүгіру аяқталғаннан кейін, жүгіру нәтижесі көрсетілген қосымшаның скриншотын жасап, онда күні, уақыты, қашықтығы және нәтижесі, сондай-ақ қайтадан сіздің деректеріңізді (аты-жөні, тұрғылықты жері, ұялы телефон нөмірі) wintersport_kz@mail.ru – ға жолдау қажет. Қорытынды нәтижелері 13 ақпан сағат 11.00-ден 14 ақпан сағат 11.00-ге дейін қабылданады. «Белоснежная троечка» шаңғы жарысының ұйымдастырушылары - дене шынықтыру және спорт басқармасы және облыстық қысқы спорт түрлері мектебі. Шаңғы жарысы Қазақстан Тәуелсіздігінің 30 жылдығына арнап ұйымдастырылған.
Жеңімпаздар мен жүлдегерлерге жас ерекшеліктері бойынша естелік медальдар беріліп, қалған спорт сүйер қауымға қатысушы сертификаты табысталатын болады.